الفهلوي

التهارده كنت رايح المستشفى الصبح وبقطع تذكرة مترو و المحطة كانت نوعا ما زحمة شوية فروحت على أقل شبك عليه ناس، المهم ايه بقي، لما وصلت للشباك مكانش حد واقف غيري وبعد ما مديت إيدي بالفلوس للموظف لقيتلك اللي بيمد ايه من ورايا و و بيطول ايده عشان يدفع قبل مني. أنا التفت و بصتله بقرف بس ما قلتش حاجة، مكانش ليا مزاج اتخانق نع واحد تنح على الصبح. بس أنا اتغاظت بجد يعني، يعني صاحبنا فهلوي ومقطع السمكة وديلها وجاي يسبق الأهطل اللي واقف في دوره - اللي هوه أنا - ويدفع قبله. طب يا بأف الشباك معليهوش حد غير أنا وانت خلاص مش صابر لما ادفع أنا بعدين تدفع في دورك !! و للا اتعودنا على ‘‘الفهلوة’’ وكل واحد فاكر نفسه أحسن من كل الهبل اللي وا قفين في الطابور و تلاقي النطع من دول عامل ناصح وسايب الطابور ورايح يقطع من الجنب و تتكلم معاه يتنح.

على رأي واحد صاحبي “شعب فهلوي”