نص قرن من الإستهبال

نص قرن من البطش

نص قرن من الظلم

نص قرن معتقلات

نص قرن نهب فى البلد

شالو ملك محمد على وجابولنا ملك ولاد ال…..

انتصارات ثورتنا المجيدة:حروب مات فيها ألوف المصريين عشان شوية بهايم فاكرين نفسهم قادة عسكريين “بربقتى ياريس”

حرب فى اليمن مالهاش راس من رجلين

واحد عاملى نفسه زعيم الثوار فى العالم وهوة ابن ستين … ذالل الناس ومضيع البلد

فلقونا بعبد الناصر، واللى عمله عبد الناصر، عبدالناصر مين، عمل ايه عدل فى حياته، هزيمة فى كل الحروب، دمر الزراعة ومعملش صناعة، بعد خمسين سنة من ثورتهم المجيدة لسه مكانا ويمكن أسوأ، ذل اتلناس وعيشهم فى رعب، سجن الألوف وموت الألوف واللى ينكر كده يبقى عبيط أو بيستعبط

وجه بعده السادات، أسخم وأضل، ضيع دم اللى حاربوا واللى ماتوا وراح خد اسرائيل بالحضن وسلملها مصر ببلاش، وطبعا ذل الشعب وسجن ألوف وخربوا البلد أكتر مهى خربانة وبعدين جالوا أجله وراح فى ستين خرارة

ودلوقتى احنا بنستمتع ببقايا ثمار ثورتنا المباركة، مبارك ابن ال…. قاعد يقسم فى تركة اللى خالفوه ويشوف مين خيورث ومين لأ، وطبعا سجن ألوف وذل الناس ونهب البلد هو ودلاديله فى كل مكان

وبعد ده كله ييجى واحد يقولى ثورة ولا واحد يقوللى لو عبد الناصر كان عايش كنا عملنا وسوينا، كفاية هبل كفاية عبط كفاية وهم بقى