طبعا حزب الله بستعبط وغلطان من ساسه لراسه، ماله هو ومال 5 أو 6 آلاف أسير عند اسرائيل، وايه يعنى ما مصر فيها معتقلين اكتر من دول ومحدش اشتكى

وبعدين يسوى ايه يعنى مقابل صداقة اسرائيل ورضى أمريكا، فى ستين داهيه كل الأسرى وفستين داهية كل اللى عايز ياخد حقه

وبعدين بيستهبل ورايح يخطف اسراءيليين ويقتل تانييت، العالم دى عبط هما فاكرين الإسرائيليين زينا كده ممكن تخطفهم وتقتلهم ومحدش يقولك انت بتعمل ايه

وبعدين عطل السياحة فى لبنان والناس مش هتعرف تشتغل والزبالة بتوع أوروبا مش هيعرفوا يصيفوا وهيتعكر مزاجهم و فى الآخر انقلبوا على حزب الله من غيظهم

بعدين هو ناسى انه منظمة ارهابية ومش مسمحله انه يطلب بحقه

وازاى يستعمل صواريخ ايرانى هو ناسى ان ايران فى محور الشر وماما أمريكا زعلانة منها

وبعدين أساسا ده مخطط من الشيعة الفرس الزنادقة اللى عايزين يقضوا على امجاد العرب ويغتصبوا الخلافة ويقتلوا أهل السنة

ما يتعلم من جيرانه يا أخى، مصر قتلولها اتنين عساكر وحدش اتكلم، الطيارات الإسرائيلى طارت فوق قصر بشار ومحدش قال لها بتعملى ايه