امبارح كان امتحان الشرعى والسموم تحريرى, وأنا طبعا كنت مرعوب وميت فى جلدى وبالذات من السموم لأنها زيها زى الفارماكولوجى معقدانلى فى عيشتى

المهم صحيت الصبح مرعوب وأعقدت أذاكر شوية وبعدين ركبت قطر الساعة 6 ووصلت الجامعة حوالى 8:45 والإمتخان كان الساعة 10, وكل الناس مرعوبة زيي.

طبعا 9:45 كنت فى اللجنة فوق وعندى حالة من التبلد “ضربو الأعور على عينه”

ورق الأسألة جه على الساعة 10:10 والإمتحان شكلة غريب بس مش صعب أوى, حليت 5 أسألة الطب الشرعى كويس وأعقدت أخبط فى السموم وحليت بتاع 3 أسألة من 5 .

ربنا يسترها بقة وانجح, أصل أنا جبت 9 من 40 فى امتحان أعمال السنة ودى أسوأ درجة امتحان فى حياتى.