النهاردة كان أمتحان شفوى وعملى الطب الشرعى والسموم, وده أول يوم امتحان آخر السنة دى

روحت على ان امتحان العملى هيبدأ الساعة 8, وكالعادة اتلطعنا لحد الساعة حوالى تسعة عقبال ما بدأنا, بس الإمتحان كان سهل وتقريبا مغلطتش الا فى عينة واحدة.

المشكلة فى امتحان الشفوى, قعدت من الساعة 10 لحد 12:30 معرفش مين هيمتحنى وكل المجموعة امتحنة ما عدا أنا والخمسة اللى معايا لحد ما بقت هشد فى شعرى من الخنقة, كل الناس روحت وأنا لسة قاعد وأنا مبكرهش قد الإنتظار وبالذات الإمتحانات.

وبعد ده كله حصل اللى كنت خايف منه, همتحن على رئيس القسم والدكتور صلاح هاشم, يعنى أسوأ كوابيسى تحققت وما أدراك صلاح هاشم ولسان صلاح هاشم أكبر أاتذة القسم سنا واللى بيخاف منه رئيس القسم الحالى, بس فى اللحظة الأخيرة ربنا فرجها ودكتور تانى امتحنى أنا وواحد كمان عشان نخلص ونروح وكان راجل ذوق وجاوبنا وكلة تمام

ربنا يسترها غى الباقى