أى حاجة
عايز اتكلم ومش لاقى حاجة أقولها
مش عارف ليه أحيانا بحث ان عندى مشكلة فى التعبير عن اللى جواياه, يمكن حتى مشكلة فى التواصل مع الآخرين
أنا هقول اى حاجة عشان أنا لازم أقول حاجة
نفسى أكمل دورة البايثون اللى كنت بديها لنفسى (لو مش عارف ايه بايثون روح موت نفسك احسن)
عايز ارجع اترجم تانى فى ال manpages
مش عايز أذاكر اى حاجة تانى
عايز اتعلم C و assemply ,أيوة كده مرة واحدة وعايز اعمل رقعة لكونسول لينكس يعرض عربى كويس بلا بايكون بلا هبل بقى (لو مش عارف ايه لينكس تبقى لسة عايش ليه أصلا)
مش عايز اشتغل دكتور, هشتغل فى البرمجة وللا حتى سباك المهم مش دكتور
عايز اتعلم شوية فى الشبكات
عايز ارجع اقرأ زى زمان, قبل الكلية النحس دى كنت بقرأ كتابين على الأقل فى الإسبوع, عايز اقرأ حاجة غير الوثائق بتاعت جنو/لينكس
عايز ارجع ارسم تانى, أنا موهوب فى الرسم على فكرة
المهم أنا عايز اعمل ألف حاجة ومبعملش حاجة, هو الغلط فين؟ أنا, المجتمع, البلد الفقر, كلنا مع بعض؟ مش عارف ومش عارف امتى هعرف